Avaaz嘅社群聯署行動為大家充權，令大家可以用線上工具，實現大部分人希望建立嘅世界。

社群聯署行動係一個嶄新嘅網上平台，為全世界所有地方嘅人充權，可以喺本地、全國、甚至國際層面展開行動，得到勝利。

社群聯署行動係Avaaz嘅群眾外判部份，亦係有史以來全球最大嘅同類型網上運動，將人本充權嘅政治力量，帶到各地嘅政策制訂層面。每星期全世界數以百萬計來自社會各階層嘅人，通過Avaaz對世界上好多逼切嘅問題作出行動，包括針對貪污、貧窮，戰亂、氣候變化等等議題。

Avaaz模式嘅網上動員令成千上萬嘅個人努力迅速集結成強大嘅群眾力量。有咗社群聯署平台，大家就可以用呢啲線上工具，自己去建立本地、全國、或者國際行動。呢啲行動集結一齊，為世界帶嚟正面嘅改變。

Avaaz呢個字，喺一啲歐洲、中東、亞洲語言裡面，係「聲音」嘅意思 — Avaaz喺2007年創立，基於一個簡單嘅民主使命：組織萬國公民一齊努力，將現實世界同理想世界嘅距離縮短。Avaaz嘅社群以15種語言展開行動，負責運作嘅核心團隊同成千上萬嘅志願工作者遍佈六大洲，我地積極作為 — 包括聯署、資助傳媒活動同直接行動，寄出電郵、打電話、遊說政府，組織「線下」抗議同其他活動 — 令制訂影響我地政策嘅人，清楚知道世界公民嘅睇法同價值觀。

點擊呢度，了解Avaaz更多